సూపర్‌స్టార్ రజనీకాంత్ కథానాయకుడిగా, దర్శకుడు నెల్సన్ దిలీప్‌కుమార్ తెరకెక్కించిన యాక్షన్ ఎంటర్‌టైనర్ ‘జైలర్ 2 బాక్సాఫీస్ వద్ద సంచలన రికార్డులను సృష్టిస్తోంది. సన్ పిక్చర్స్ బ్యానర్‌పై కళానిధి మారన్ ఎంతో ప్రతిష్టాత్మకంగా నిర్మించిన ఈ చిత్రం 17 రోజుల్లోనే ప్రపంచవ్యాప్తంగా ఏకంగా రూ. 800 కోట్ల గ్రాస్ మార్కును దాటి కోలీవుడ్ చరిత్రలోనే సరికొత్త మైలురాయిని నమోదు చేసింది.
ఈ చిత్రం భారతీయ మార్కెట్‌లో ఇప్పటివరకు రూ. 441 కోట్లకు పైగా నెట్ కనెక్షన్ సాధించగా, గ్రాస్ వసూళ్లు రూ. 516 కోట్లకు పైగా నమోదయ్యాయి. గతంలో రజనీకాంత్ నటించిన ‘2.0’ చిత్రం తర్వాత భారతదేశంలో రూ. 500 కోట్ల గ్రాస్ క్రాస్ చేసిన రెండవ తమిళ చిత్రంగా జైలర్ 2′ నిలిచింది. ఓవర్సీస్‌లోనూ రజనీ క్రేజ్ ఏమాత్రం తగ్గలేదని నిరూపిస్తూ విదేశీ మార్కెట్లలో కూడా రూ. 267 కోట్లకు పైగా భారీ వసూళ్లను రాబట్టింది.
2023లో విడుదలైన ఇండస్ట్రీ హిట్ జైలర్ ‘కు సీక్వెల్‌గా వచ్చిన ఈ చిత్రంలో ఎస్‌జె సూర్య, మిథున్ చక్రవర్తి, శివరాజ్‌కుమార్, మోహన్‌లాల్, రమ్యకృష్ణ మరియు విద్యాబాలన్ నటించారు. యంగ్ రూల్ మరియు మాస్ డైలాగ్‌లతో అలరించిన రజనీకాంత్ నటన, అనిరుధ్ రవిచందర్ బాణీలు, బ్యాక్‌గ్రౌండ్ స్కోర్ థియేటర్లలో ప్రేక్షకులకు పూనకాలు తెప్పించాయి.
మూడవ వారంలోకి అడుగుపెట్టినప్పటికీ తమిళనాడుతో పాటు ఇతర రాష్ట్రాల్లోనూ స్థిరమైన వసూళ్లతో సాగుతున్న ఈ చిత్రం, కొద్ది రోజుల్లోనే రూ. 1000 కోట్ల క్లబ్‌పై కన్నేసింది. 75 ఏళ్ల వయస్సులోనూ బాక్సాఫీస్ వద్ద రజనీకాంత్ చూపిస్తున్న ఈ ఊచకోత సినీ ప్రముఖులను మరియు ప్రపంచవ్యాప్త అభిమానులను విశేషంగా ఆకట్టుకుంటోంది.
