భారతీయ జనతా పార్టీ (బీజేపీ) అగ్రనేత, దేశ మాజీ ఉప ప్రధాని లాల్ కృష్ణ అద్వాణీ (98) అనారోగ్యానికి గురయ్యారు. ఊపిరితిత్తుల ఇన్ఫెక్షన్ (Chest Infection) కారణంగా శుక్రవారం రాత్రి ఆయనను న్యూఢిల్లీలోని ఇంద్రప్రస్థ అపోలో ఆసుపత్రిలో చేర్పించారు.
ఆసుపత్రి వైద్యుల పర్యవేక్షణలో ఆయనకు చికిత్స అందిస్తున్నారు. ప్రస్తుతం ఆయన ఆరోగ్యం నిలకడగా ఉందని, నిపుణులైన వైద్యుల బృందం ఆయన ఆరోగ్య పరిస్థితులను నిరంతరం పర్యవేక్షిస్తోందని అపోలో ఆసుపత్రి యాజమాన్యం అధికారిక ప్రకటన విడుదల చేసింది.
అద్వాణీని ఆసుపత్రిలోని పల్మనాలోజీ (Pulmonology) విభాగానికి తరలించి ప్రత్యేక వైద్య సేవలు అందిస్తున్నారు. ఆయన ఆరోగ్యం స్థిరంగా ఉన్నట్లు వైద్యులు తెలిపారు. అద్వాణీ ఆసుపత్రిలో చేరిన విషయం తెలుసుకున్న పలువురు బీజేపీ అగ్రనేతలు, కేంద్ర మంత్రులు అపోలో ఆసుపత్రిని సందర్శించి ఆయన ఆరోగ్య పరిస్థితిని అడిగి తెలుసుకున్నారు. బీజేపీ వ్యవస్థాపక సభ్యుల్లో ఒకరైన ఎల్.కే. అద్వాణీ, దేశంలో ఆ పార్టీ అభ్యున్నతికి క్రియాశీల పాత్ర పోషించారు. ఆయన సేవలకుగాను కేంద్ర ప్రభుత్వం ఇటీవల దేశ అత్యున్నత పౌర పురస్కారమైన ‘భారత రత్న’తో సత్కరించిన సంగతి తెలిసిందే. ఈ వయసులో ఊపిరితిత్తుల ఇన్ఫెక్షన్ కారణంగా ఆయన ఆసుపత్రిలో చేరడంతో బీజేపీ శ్రేణులు మరియు మద్దతుదారులు ఆయన త్వరగా కోలుకోవాలని ఆకాంక్షిస్తున్నారు.
